الرئيسية
أحدث الصور
نبذه عن شخصيـــات الحلقه:
(هذه القصه والشخصيات م وحى الخيــال )
W.LEPRINCE╝» سميـــر ╝» دكــتــور نفســى .
L.i.L.y ╝» سلمى ╝» مـــريــضه عند الدكتور سمير .
Egyptoo╝» زكريا ╝» مريــض عند الدكتور سمير .
queen of dream's╝» فتحيه ╝» والده الدكتور سمير وتعانى م مشكله ف السمــع .
3
2
1
GOoOoOoOoOo
سميـــر(بيكلم سلمى ف التليفون ): ايه يا حجه عــاش م سمع صوتك .....عامله ايه ؟
سلمى : ايون يا دوك مسمعتش صوتى ازاى يمكن سمعك تقيل
( سلمى تعانى م مــرض نفسى خطيــر وهو عدم الثقه بالنفس )
سميــر : ازاى مع انى لسه مغير عدسات
معادنا انهارده الساعه 4 العصر مش تتأخرى يا آنسه
سلمى : ماسى يا دوك حكون هوناك فى الميعاد
سميــر ( بيكلم زكريا ف التليفون ) : زيكو ازيك ؟؟
زكــريــا : انتا مين يابن التيت انتا وبتدلعنى بصفتك ايه
( زكريا يعانى م مرض نفسى خطير وهو العصبيه الحاده جدا و اللسان الزفر وبيحدف دبش )
سميـــر : هدئ م روعك انا دوكك ياض
زكريــا : آسف يا دوكى بس انتــا بتتصل ليه
سميــر : خف الدبش ده ياض شوية
انا بتصل عشان افكرك بمعادنا الساعه 4 انا وانتا و سلمى (جلسه جماعيه )
زكريــا : اهــا بــس مش تعرفنى ع الجميل الاول
سميــر : انا جايبكوا لعلاج مش بصبصه يا عين تيته
زكـــريا : خلاص مش تشتم والا اقفل ف وشك
سميــر : يلا سلام مستنيك
ميــن حبيب بابا مين حبيب تيته ( الرنه بتاعت موبيل سميــر )
سميــر : الــو ازيك يا مامتى
فتحيه : الو يا حبيبى انا تويسه ايه اخبــار المجانين بتوعك
سميــر : مجانين
انتى لو مش مامتى انا كنت مسحتك مـ عـ الموبيل
فتحيه : دبحتنى م ع الموبيل ازاى يالا
( زى ما قولنا الحجة فتحيه تعانى م مشاكل ف السمع سمعها تقيل يعنى )
سميــر : يامامتى انا مش عــايز اتشــل
اؤمرى كنتى عايزه تقولى ايه
فتحيه : بيتهيقلى انك بتقولى عايزه ايه صح
انا عايزه احضر الجلسه بتاعتك انهارده يا سموره يا حبيبى
سميـــر : خــلاص اوك تعالى الساعه 4
فتحيه : لا ليه بث انا نفسى احضرهــا
سميـــر : خلاص متجيش
فتحيه : خلاص الساعه اربعه حكون عندك يا سمورتى انا
ودقت الســاعه 3.30 واذن بالنرفوز بتاعنا وصل
وصل زكــريــا للعياده وسميـــر مكنش موجود
ودقت الســاعه 4.00 واذن بسميـــر و سلمى
ودقت الســاعه 4.30 واذ بفتحيه بتقول : ع جمب يا سواق يارخم انا نازله هنا
تبتدى الجــلســه بعد سلامات وبوس وحاكات م اللى انتوا عارفنها تى
سميـــر : حنفــتح موضوع مهم جدا ياجمــاعه وهو
بيمثل حاجه سلبيه ف مصــر
الموضوع هو ( انتخابات مجلس الشعب )
سلمى : اها فعلا دى بقت حاكه مش كول خالص يا دوك
بقى انا اخد البطاقه الانتخابيه بتاعتى واروح عشان انتخب المرشح بتاع الدايره بتاعتى
الاقى بلطجيه واقفين بشوم
تقولش حخش امسح اكونت المرشح بتاعهم م ع الفيس بوك
زكــريــا : دول نـاس ولاد ........ يلا خلينــا ساكتيــن اللهم انى صايم
بقى انا اللى اخش احط صوتى الاقى مفرمه ورق تحت الصندوق
فتحيه : فعلا يا ولاد الانتخابات كانت نزيهه جدا انا ماشوفتش ولا سمعت عن انتخابات زى كته ف العالم
سميـــر : طب يا سلمى رأيك نحل مشكله البلطجيه دول ازاى ؟
سلمى : انا م رأيى يا دوك ان يكون فيه حاجه كده ع النت زى الفيس بوك وكل واحد م اللى بينتخبوا يكون عندوا اكونت عليه ويوم ما يكون ف انتخابات يخش ويرشح المرشح اللى هو عايزه
سميـــر : فكره بردوه
طب وانتا يا زكريا شايف ايه ممكن يكون الحل عشان الانتخابات مش تكون مزوره
زكــريــا : بــص يا دوك احنــا لازم نشوف حل لأما البلد حتتربق فوق دماغنا
والحــل عندى وهو
اننــا نغيــر الدستور ونخلى الحكم ف مدتين بس
سميـــر( وهو بيقاطعه ) : احنا بنتكلم ع انتخابات الشعب
زكــريــا : لو صلحت اللى فوق اللى تحت كله حيتصلح
نغير الدستور ونخليها مدتين وكمان نخلى القضاه او قضاه اجانب يشرفوا ع الانتخابات سواء كانت رئاسه او شعــب
سميـــر : فكره بردوه
وانتى يا مامتى رأيك ايه ف الكلام ده
فتحيه : انا شايفه الحياه فعلا زى الفــل زى ما الولاد دول بيقولوا وربنا يعلى مصر كمان وكمان ويبعد عنها عين الحاقدين ع نجاحها ( م امريكا و تركيــا والدول المتخلفه دى )
سميـــر : انتى لو مكنتيش مامتى
لو لحظتوا معايا ان
1- زكــريــا( بعصبيته دى ) بيمثل المعارضه والطبقه الكادحه م الشعب
2- سلمى( بتاعت كول ) بتمثل شباب بلدنــا اللى معظمهم مسقط البنطلون
3- فتحيه( اللى عندها ودن م طين وودن م عجين ) بتمثل حكومتنا الفله
4- سميـــر( حلال المشــاكل العاقل ) بيمثل الاعلام و والطبقه الحكيمه ف مصر
دى كــانت اراء نــاس بتمثــل شرائح م شعبنـا
تفتكر ارائهم صح ؟
ورأيك اكيــد يهمنا
وتذكــر
اذا اردت التغيير فابدأ بنفسك
