الرئيسية
أحدث الصور
نبذه عن شخصيـــات الحلقه:
(هذه القصه والشخصيات م وحى الخيــال )
W.LEPRINCE╝» محمود ╝»بيدور ع شغل.
L.i.L.y ╝» مديحه 1.2.3╝» انتهازيه سيكوباتيه.
Egyptoo╝» السايس ╝» انتهازى سيكوباتى.
queen of dream's╝»تفيده ╝» صاحبه مبدأ .
3
2
1
GOoOoOoOoOo
محمود بيركن العربية البى ام كارو قدام الشغل اللى هيقدم فيه
السايس: يمين شوية يابية يمين كمان كمان بس حلو كدة
محمود: الف شكر انا مش عارف اقولك اية
السايس: اية خدمة يا بية القهوة بقى
محمود:اول شارع يمين وانت هتلاقيها
السايس: القهوة يا بية
محمود: خلى بالك دى مضرة اوى على الصحة بلاش تكتر منها
السايس: القهوة يعنى فلوس يا بية
محمود: فلوس اية؟؟
وانت عملت اية علشان تاخد فلوس وبعدين انا راكن ف الشارع مش ف جراج
السايس: خلاص يبقى مش هتركن هنا
محمود: انا بركن ف شارع الحكومة
السايس: خلاص يبقى خلى بالك على العجل
محمود: خلاص يا عمونا خد 5 جنية يا رب يطمر
يا ريت لو تغسلها عقبال لما اجى
السايس: الماية مقطوعة
دخل محمود الشركة وهو مخنوق اوى
محمود: لو سمحتى كنت عايز مساعدة
مديحه1: اتفصل
محمود: كنت عايز اعرف اقدم C.V بتاعى فين عشان الوظيفة الفاضية
مديحه1: اعلى بالاوبيج
محمود: اوبيج اية
مديحه1: انا مش هبذل مجهود عشان اقولك ولا انا بعمل ده لله وللوطن
محمود: خدى يا ستى بس يا رب يطمر
مديحه1: بص انت هتمشى اخر الطرقة يمين هتلاقى مكتب قدم هناك
راح محمود المكتب عشان يقدم ودخل ع الموظفه
محمود: السلام عليكم
مديحه2: وعليكم.... خير عايز اية
محمود: كنت عايز اتقدم للوظيفة الخالية
مديحه2: اصبر ساعة عقبال لما افضى لحضرتك
محمود عرف انا كل حاجة عشان تمشى لازم تدفع اتعلم من اللى شافه
محمود: طب متاخدى ال 20 جنية دى وافضيلى دلوقتى
مديحه2: اتفضل اقعد
تشرب اية؟
محمود: شكرا اتفضلى C.V بتاعى اهو
مديحه2: لاااااااااااااا مش دلوقتى
انت الاول تروح الدور التانى وتجيب استمارة وتملاها
فعلا محمود طلع الدور التانى ودخل ع الموظفه عشان ياخد منه استمارة
محمود: لو سمحتى انا كنت عايز استمارة عشان الوظيفة الجديدة
مديحه 3: اتفضل اقف ف الطابور ده
محمود: يانهار كل ده طابور ليية هى البلد كلها بتتقدم للوظيفة دى ولاا اية
طب بقولك اية طب ماتاخدى 20 جنية دى واعتبرينى وقفت ف الطابور
مديحه3: رشوة استغفر الله العظيم
محمود: اية ده اخيرا فى حد شريف
مديحه3: انا ف عملية زى دى مش هاخد اقل من 50 جنية
محمود: خدى يا ستى انا شكلى جاى ادفع وبس
مديحه3: دى الاستمارة عيش وسبنى اعيش
اخد محمود الاستمارة ورجع للموظفه الاولانيه
محمود: انا مليت الاستمارة اتفضلى
مديحه2: لا لسة فى بلاوى
انت هتروح تجيب طابع رجل الديك من مكتب البريد اللى اللى على اول الشارع
محمود: يووووووووووووه
فى حاجة تانى اجبها بالمرة عشان انا بدأت اكره الشغلانة تى
فعلا راح محمود مكتب البريد وشاف طابور كبيييييييير اوى
قال يقصر المسافة ويروح يأبج
محمود: خدى دى يا حجه انتى شكلك ست طيبه
عايز طابع رجل الديك عشان مستعجل والنبى
تفيده: خد فلوسك يا استاذ واقف ف الطابور
بدل لما البسك قضية دلوقتى
عمونا محمود وشه احمر واخضر والبنطلون اتبل
محمود: انا اسف جدا
وقف محمود ف الطابور ساعة وجاب الطابع وراح ع الشركة وقابل الموظف الاولانى
محمود: انا جبت الطابع اهو
ملكيش حجة يا ستى
مديحه 2: للاسف انا جالي قرار ان الوظيفة اتشغلت
محمود: ازاى دنا دفعت دم قلبى
دنا جيبي اتخرم
مديحه2: اصل فى واحد عرض 15الف عشان يشتغل هنا واحنا وافقنا لو انت تقدر تزود احنا ممكن نراجع نظر من الاول
محمود: يعنى انا لو معايا 15 الف كنت اتنيلت جيت هنا
عوضى على الله ف الفلوس اللى دفعتها
لو لحظتوا معايا ان
1- محمود: بيمثل شبابنا العطلان اللي مش لاقي شغلانه
2-مديحه1.2.3: بيمثل رجال الاعمال والتجار الأنتهازيين
3- السايس: بتمثل حكومتنا
4- تفيده: بتمثل شريحه م الشعب اللى بتكون امينه ومخلصه ف شغلها ^ لو لاحظتوا انها موجوده واحده ع اربعه ^
الحلقة كــانت بتمثــل شرائح م شعبنـا
رأيك اكيــد يهمنا
وتذكــر
اذا اردت التغيير فابدأ بنفسك
