الرئيسية
أحدث الصور
3
2
1
GOoOoOoOoOo
الحفيدة : السلام عليكم ها عاملين اكل ايه انهاردة جعنانا موووت
الجدة : ايدا يلا يابنت على اوضتك غيري هدومك الاول واغسلي وشك كدة من تراب الشارع
احفاد اخر زمن
الحفيدة : لا يا تيتة الي قبل الاخير في بعدينا
الجدة :كمان شوفي بنتك بتقول ايه يا مرات ابني
الام: هههههههه معلش يا طنت متاخديش ع كلامها مش هتخلصي منها
الحفيدة: في همس لا يسمعه احد تخلص مني ازاي هى شيبسي دا حتى صغرو ومبقاش فيه فركة
الام : يلا يا بنوتي اغسلي ايدك ووشك كدة وارتاحي شوية جنب تيتة وبعدين قومي حضري السفرة على ما بابا يجي
الحفيدة :اوكي مام
الجدة :ايه ياختي ولسة في عيال بعدكم انتو وبتقولو مام هما هيشيلو حروف ايه تاني
الجدة قاعدة قدام التي يفي جدة انتر ناشونال زي توشيبا تومام
وبتتفرج ع فيلم قديم ابيض واسود يعني
تيتة بقى هنقول ايه
تخلص البنوتة وتروح جنب تيتة تعاكسها شوية
الحفيدة : اي يا تيتة بتتفرجي ع ايه ؟؟
الجدة : دا فيلم جميل كنت دخلتو انا وجدك في السنيما
الحفيدة : ايدا يا تيتة كنتي بتروحي سنيما سامعة يا ماما وتيجو تقولولي لا وبعدين كنت بتعمل ايه تاني يا شقي
الجدة : اتادبي يا بنت ايدا قومي هاتيلي المية اشرب
الحفيدة : من عيوني يا تيتة
الجدة: لا من الثلاجة احسن
الحفيدة : في همس والله ولقطي اللغة يا ماما ستو
ترجع البنت جنب جدتها
الحفيدة : ها يا ستو انا رحتي فين تاني غير السنيما
الجدة : انتو بتسمو فسحتكو دي فسح ياااااااه فكرتيني بالزمن الذي مضى يا كتكوتي
الحفيدة :احكي احكي ورانا ايه
الجدة : كانت ايام بقى جدك واحنا لسة مخاطيب ياخدني ع الكورنيش وناكل ذرة مشوي ونحلي بدندورمة
الحفيدة: دندورمة يا تيتة
الجدة : يابت مش تقاطعيني
وكنا نتمشى كدة وكنا نركب الحنطور ونتفسح
الحفيدة : اشمعنا انا بتخرجوني بحساب
الجدة :احنا كمان كنا بحساب بس يا حبيبتي دا من خوفنا عليكي لما تبقى تتخطبي وتتجوزي ابقي اتفسحي
الحفيدة :ياااااااااااه لسة لما اتخطب وكمان اتجوز ايدا يا تيتة مدة كبيرة اوي
الجدة :ليه ياختي ما اتقدملك كتير وانتي اللي مش راضية خليكي كدة لما تعنسي وسنانك تقع ويقولولك يا تيزة
الحفيدة :زيك كدة
الجدة : اسكتي قطم رقبتك مين دي سناني صفين لولي
الحفيدة : ماشي يا لؤلؤة بس اوافق ع ايه بس يا تيتة مش اعيش حياتي الاول ايه يخليني ارتبط من دلوقتي
الجدة : يا خايبة عايزة ترتبطي وانتي كام 40 وتبقى خلاص كبرتي وراحت عليكي منتيش بنوتة مقطقطة كدة
الحفيدة : لا مش 40 بس يعني مش من دلوقتي ارتبط وتحكمات ورخامة وخنقة
الجدة : ادي اللي انتو عايزينو تمشي براحتك ياختي يا فرحتي اه ياني هتجبيلي السكر
الحفيدة : ايه هو لسة مجاش
الجدة: اخ منك قومي يابنت روحي شوفي مامتك بتعمل ايه
الحفيدة: اي يا ستو بس وبعدين هرتبط بمين يعني دلوقتي الشاب بياخد وقت ع ما يكون نفسو وحالة ويقدر يتحمل مسؤلية اتفسح انا بقى ع ما يكونو نفسيتهم
الجدة : انتو اللي مبذرين ومبتعملوش حساب بكرة لو بتحوشو وتبقو شباب صح كدة مش كلمة من مسلسل ع اغنية ويبقى دا الشباب
وبنطلونو واقع منو والبنت الجيبة بتاعتها وهى نونة
الحفيدة : يا تيتية دي الموضة وبعدين نحوش عشان نتجوز من امتى من واحنا في اللفة
الجدة : قومي صدعتيني وانا واخدة علاج الضغط
تقوم البنت وتحضر السفرة وياتي الاب من العمل وكلو الاكل مش هنقول كان ايه
احسن حد ينق والعائلة السعيدة تموت فيها
وتجلس العائلة الكريمة وتتحدث الجدة الى راع العائلة عما دار بينها وبين حفيدتها
الجدة :يعجبك بقى اللي قالتو بنتك دا مش عايزة ترطبت دلوقتي ال ايه لسة صغير صغيرة فين دي 20 سنة
الاب : يا ماما هههههههههه هى فعلا لسة صغيرة ارتباط ايه دلوقتي
الجدة : صغيرة انت بتقول ايه دي اللي كانت في سنها كنا نقولها يا بايرة
الاب: الزمن غير الزمن يا امي دلوقي على ما الشاب يكون نفسو بيكون دخل في الـ 30 وقرب يخلصهم كمان
والبنت بتكون في اواخر الـ20 والحياه ماشية
الجدة :ايه ودي تتجوز بقى نقولها يا كتكوتة ولا يا حاجة
الاب :الزمن غير الزمن يا امي والزواج بتاع زمان معادش خلاص
الحفيدة: قلها والنبي يا بابا ال عايزاني اتخطب واتجوز واخلف كمان اقولها لسة بدري مش مقتنعة
الام : يابنتي جدتك عايزة تفرح بيكي وتشوفك في بيتك
الحفيدة :يعني ايه بقى كلكو عليا ما تتكلم ياسي بابا
لاب : اقول ايه بس يا جماعة الوقت لسة مفاتش وقطر الزواج لسة مسابهاش ع رصيف المحطة ورحل
الجدة : قطر ايه ومحطة ايه طب دا انا فاكرة البت سنية جارتنا اكيد فاكرها لما كنت تشوفك تتنطط وتلعب واشخط فيك كانت بتتضايق اصلي اتجوزت قبلها
الحفيدة :
الجدة : ولا يوم لما كنت اخرج انا وجدك بقت تبصلنا وتتغاز كدة انا خارجة مع خطيبي وهى لا بقت يا كتكوتي تغلي كدا هون
الاب : يا امي دا كان زمااااان
الجدة : لا زمان ولا حاجة كلو بيغير من بعضو دلوقتي
الاب : يا امي زمان كنتو بتجوزو البنات والاولاد صغيرين ودا كان غلط
صغيرين ع المسؤلية وكمان مسؤلية اطفال يعني تربيه واهتمام اكبر
دلوقتي يا امى السن معادش عامل مهم اوي حاليا في فروق سن بين الازواج
بس بيكونو منظمين جدا وحياتهم صح لان العقل بيفكر مش عقل مراهق
الحفيدة : صح يا بابا مش اجي اتخطب لواحد دماغو طاقة تقاطعها الام
الام: اه هو طاقق وانتي اللي دماغك كويسة اوي دا كدة مش هيبقى بيت دي هتبقى ملاهي
الجدة : ربنا يهديكم يا ولاد ويحميكم
بس السؤال هنا مين الصح
الجدة اللي خايفة من شبح العنوسة اللي كلنا عارفين معناه
ام الاب اللي خايف ع حياه بنته من العقل الصغير الذي لم ينضج بعد ويمكنة هدم تلك الحياه في اقل من لحظة
ام الابنة التي تريد الانطلاق في حرية دون قيود لا تقوى ع تحملها
